Banko online dhe lehtësoja vetës qasjen në llogarinë bankare.

E-banking është shërbim elektronik, i sigurt, i shpejtë, i lehtë dhe efikas, i cili ju mundëson qasje në llogarinë e biznesit tuaj dhe realizimin e shumë shërbimeve bankare përmes internetit 24 orë në ditë, 7 ditë në javë. I përshtatshëm me  platëformë të re përdoret në të gjitha llojet e pajisjeve elektronike si kompjuterët dhe telefonat mobil, lehtë për të realizuar transaksionet bankare me komisione më të ulëta.
Me këtë shërbim ju kurseni kohën tuaj duke i realizuar transaksionet bankare në çdo vend dhe në çdo kohë, nga shtëpia apo zyra juaj, mjafton që të keni qasje në internet.

E-banking ju mundëson:

• Pasqyrën e saktë të të gjitha mjeteve që posedoni në llogarinë tuaj
• Pasqyrën e llogarisë rrjedhëse, kredive, mbitërheqjeve dhe depozitave tuaja
• Realizimin e transferteve vendore, kombëtare dhe ndërkombëtare në valuta të ndryshme
• Realizimin e të gjitha llojeve të pagesave komunale (rrymë, ujë, telefon, etj..)
• Realizimin e pagesave të doganës
• Konfirmimin elektronik për të gjitha transaksionet e realizuara në E-banking
• Menaxhimin e kredit kartelave tuaja

Si të aplikoni?
E tëra që ju nevojitet është të vizitoni njërën nga degët tona, ju regjistroheni menjëherë në Bek E-banking, sapo të hapni llogarinë bankare dhe nënshkruani formularin e aplikimit.

Udhëzuesi për qasje ne E- banking
Udhëzuesin për qasje në shërbimin e-banking e gjeni duke klikuar mbi butonin E-banking që gjendet në pjesën e sipërme të anës së majtë të ueb faqes të bankës.

Ju mundëson të keni qasje në bilancin e llogarisë suaj përmes telefonit mobil, në çdo kohë.

Mjafton të thirrni në numrin e Bankës Ekonomike dhe në kohë reale do të pranoni SMS-in për gjendjen e llogarisë suaj!

Si funksionon SMS INFO?

Thirrni në numrin e dedikuar 045 100 300, pas ziles së parë lidhja automatikisht ndërpritet, ndërsa numri i telefonit mobil që keni thirrur regjistrohet në bazën e shënimeve të bankës.

• Pas pak sekondave, ju do të pranoni SMS-in në telefonin tuaj mobil
  –   Varësisht se në cilën valutë keni para, në llogarinë rrjedhëse, të kursimit apo shfrytëzoni produktin mbitërheqje, mesazhi juaj do të ketë këtë përmbajtje:


Gjendja ne llogarine tuaj eshte

• Llogaria rrjedhese 500 EUR
• Llogaria rrjedhese 20 USD
• Llogaria rrjedhese 5 CHF
• Llogaria rrjedhese 10 GBP
• Llogaria e kursimeve 5000 EUR
• Mbiterheqje 1000 EUR
• Kredi 10.000 EUR

Urdhër Pagesa Automatike per biznes ju mundëson të realizoni vetëm një urdhëresë e cila do të shërbejë për te realizuar transfere për një periudhë të caktuar kohore, duke transferuar mjetet automatikisht prej llogarisë rrjedhëse në llogarinë e kursimit, pagesa për qira dhe pagesat tjera të rregullta që kërkojnë transfere periodike të parave. Urdhër pagesat automatike mund të nënshkruhen për 1,3,6 dhe 12 muaj.

Ky shërbim ofrohet për ju, për të kursyer kohën tuaj në mënyrë që pagesat të realizohen me kohë. Urdhër pagesat automatike brenda bankës mund të aktivizohet në cilën do degë të Bankës Ekonomike, apo përmes shërbimit të E-banking, Përmes shërbimit të E-banking ju mund të aktivizoni urdhër pagesat automatike edhe për pagesat që dëshironi ti realizoni tek përfituesi i cili ka llogari të hapur në ndonjërën nga bankat në Kosovë. Në rastet kur nuk keni fonde te mjaftueshme në llogarinë tuaj dhe ju keni aktiv produktin e mbitërheqjes, urdhër pagesa automatike do të realizohet nga mbitërheqja.

BEK-Mobile është shërbim elektronik, i sigurt, i shpejtë, i lehtë dhe efikas, i cili ju mundëson qasje në llogarinë tuaj dhe kryerjen e shërbimeve bankare përmes telefonit.

BEK-Mobile ju mundëson:

• Pasqyrën e llogarisë rrjedhëse, kredive, mbitërheqjeve dhe depozitave tuaja
• Pasqyrën e saktë të gjitha mjeteve me të cilat dispononi në llogarinë tuaj
• Realizimin e transferteve kombëtare dhe ndërkombëtare në valuta të ndryshme
• Konfirmimin elektronik për të gjitha transaksionet e realizuara në E-banking
• Menaxhimin e kredit kartelave tuaja

Me BEK Mobile të Bankës Ekonomike përmes opsionit inovativ Scan Pay ju mundësohet:

• Realizim të shpejtë dhe të lehtë e të gjitha pagesave KOS GYRO (Dogana, KESCO, KRU Prishtina, TPL, dhe TPL+,etj.)
• Realizim të shpejtë dhe të lehtë e të gjitha pagesave ndaj organizatave buxhetore (Komuna, ATK, TRUST, etj.)

M-banking është zgjidhja ideale për të kontrolluar dhe menaxhuar llogarinë tuaj bankare në mënyrë të rehatshme, të sigurtë dhe të efektshme.

Me aplikacionin BEK- mobile ju mund të kryeni shpejtë e lehtë shërbimet tuaja bankare.

Krejt çka ju duhet është ta shkarkoni aplikacionin e BEK Mobile në smart telefonin tuaj.

Ky shërbim bankar ju ofron qasje të sigurtë në llogarinë tuaj.

Është shërbim elektronik ku përmes llogarisë tuaj në Bankën Ekonomike, vetëm me një SMS ju mund të rimbushni telefonin tuaj mobil të operatorit IPKO dhe VALA , të ju dërgoni mbushje të tjerëve si dhe të paguani të gjitha shërbimet tjera (internet, duotv, duofix dhe tv) të operatorit IPKO.